LIK WA7DEK

❓ أسئلة شائعة

ما لقيتش جوابك؟ ابعثلنا في Instagram.

شحال التوصيل؟

التوصيل 500 دج لكل الولايات، للدار ولا للمكتب تاع ZR Express. ومن هوديين (ولا إنسمبلين) فما فوق في نفس الطلب، التوصيل بلاش. التيشورتات ما تدخلش في العرض.

كيفاش نخلص؟

تخلص كي توصلك الطلبية، في يد الليفرور. ما نطلبو حتى دورو قبل، إلا في الهودي المخصص (تصميمك انت).

شحال يطول التوصيل؟

من بعد ما نعيطولك ونأكدو، الطرد يوصلك في 2 حتى 4 أيام في أغلب الولايات. تقدر تتبعو في صفحة «تتبع طلبك» بنمرة التيليفون.

واش من مقاسات كاين؟

S، M، L و XL. الهودي Oversize، يعني واسع شوية بالتصميم. XL هو أكبر مقاس. كاين حاسبة المقاس: تقيس هودي يجيك مليح وتقارن.

نقدر نبدل المقاس؟

إيه، قبل ما يخرج الطرد: ابعثلنا في Instagram ونبدلوهولك بلا مشكل. من بعد ما يوصل الطرد ما نبدلوش، على هاذ الشي نعطيوك الجدول قبل.

شحال الأسعار؟

الهودي 3900 دج، الإنسمبل (هودي + بادجي بنفس التصميم) 5500 دج، البادجي وحدو بلا طباعة 2000 دج، الهودي الفارغ 3000 دج، التيشورت Oversize 2900 دج.

نقدر نطبع تصميم تاعي؟

إيه. تبعثلنا التصويرة ولا الكتابة، نوريوك الشكل قبل الطباعة. الهودي المخصص 3900 دج، بعربون 1000 دج (BaridiMob ولا CCP) قبل ما نبداو.

الموديل اللي حبيتو مكتوب عليه SOLD OUT؟

نقدرو نعاودو نطبعوه بنفس السعر العادي. اضغط «اطلب عاود الطبع» في صفحة الموديل.

الطباعة تروح مع الغسيل؟

لا. الطباعة DTF، الألوان ما يروحوش مع الغسيل. نصيحة: اغسلو مقلوب بالماء البارد وما تكويش فوق الطباعة.

كاين حانوت نجي نشري منو؟

لا، نخدمو أونلاين برك من قسنطينة، ونوصلو لكل الولايات.

اطلب دروك 🛒ابعثلنا في Instagram

← كل الموديلات · 📦 تتبع طلبك · 📏 المقاسات